Teksa Partia Socialiste hapi fushatën pasditen e sotme, ish-kryeministri Berisha ka ironizuar cermoninë.
Në një takim me kryetarët e degëve të Tiranës dhe FRPD, Berisha foli në lidhje me çeljen e fushatës së PS për zgjedhjet e 14 majit, ku tha se kryeministri Rama kishte mbledhur ministrat e tij dhe u mbante fjalim.
“A e patë si e nisi fushatën sot?
Me nomenklaturën. Kishte mbledhur nomenklaturën më të ngushtë, deputetë, ministra dhe u mbante fjalim atyre. Më kujtoi një gjë që nuk ka shumë krahasim, por edhe të krahasueshme.
Vladimir Putin priti para 1 jave dy ambasadorët kryesorë të SHBA dhe BE-së dhe i kishte vendosur 70 metra në distancë nga frika. Edhe ky nga frika, qytetar asnjë, sikur fushatën e bënte vetëm për nomenklaturën dhe jo për qytetarin.
Pavarësisht se çfarë funksionesh ke, paranoja ka forma të njëjta. Hapi fushatën me nomenklaturën e tij, u mbante fjalime Belindës, Spiropalit, Ulsi Manjës dhe ata duartrokisnin. Nuk kisha parë ndonjëherë komedi si kjo. ”, tha Berisha.
Edi Rama dhe socialistët e tjerë u mblodhën pasditen e sotme në sheshin “Europa” për të mbjellur 61 pemë, nga një për secilën bashki. Kryeministri Edi Rama në fjalën e tij në sheshin ‘Skënderbej’ tha se socialistët janë e ardhmja e ndërsa Sali Berisha dhe Meta e shkuara. Ai tha se kjo dyshe kërkon Bashkitë që të mbrohen nga drejtësia, që vonon, por nuk harron.
