Kreu i Komisionit Qendror të Zgjedhjeve, Ilirjan Celibashi ka bërë me dije se procesi i numërimit të votave për kandidatët është drejt fundit. Në një postim në Facebook, Celibashi shkruan se numërimi vijon në 9 KZAZ në Tiranë, Durrës, Lezhë dhe Elbasan. Ai gjithashtu ka kërkuar nga komisionerët që të vazhdojnë numërimin pa ndërprerje deri në Qendrën e fundit të Votimit e të mos vonohen për të hedhur të dhënat në sistemin elektronik të KQZ.
“Procesi i numërimit të votave për kandidatët, drejt fundit. Vijon numërimi në 9 KZAZ (Tiranë, Durrës, Lezhë & Elbasan). Komisionerët & numëruesit të vazhdojnë numërimin pa ndërprerje deri në QV-në e fundit & të mos vonojnë hedhjen e të dhënave në sistemin elektronik të KQZ”, shkruan Celibashi.
Numërimi i votave për kandidatë është drejt fundit teksa janë bërë me dije edhe emrat që arritën të sigurojnë një vend në Parlament. Të vetmit që arritën të thyejnë herësin edhe pse ishin renditur poshtë vijës së kuqe në listë, janë Fatmir Xhafaj, Luçiano Boçi dhe Orlando Rakipi duke marrë kështu mandatin e deputetit
