Kreu i KQZ-së, nëpërmjet një statusi ka lajmëruar se kompania sllovene CETIS, ka përfunduar paketimin dhe printimin e fletëve të votimit për 6 qarqe. Bëhet fjalë për qarqet e Berartit, Vlorës, Korçës, Gjirokastës, Elbasanit dhe Fierit.
Në ditët në vazhdim pritet që të vinë fletët e votimit edhe për 6 qarqet e tjera në mënyrë që t ëfiklloj procesi normal i votimit.“Ka përfunduar printimi dhe paketimi i fletëve të votimit për qarqet Vlorë, Korçë, Berat, Gjirokastër, Elbasan & Fier dhe mbërrijnë në Shqipëri brenda ditës së sotme.
Fletët e Votimit po printohen nga kompania sllovene Cetis.”, ka shkruar Ilirjan Celibashi, kreu i KQZ-së.
Kujtojmë se pak ditë më parë kompania sllovene CETIS, e cila fitoi tenderin për fletën e votimit, dërgoi një letër KQZ-së. Në të cilën kompania sqaronte se ka hasur vështirësi teknike dhe se fletët nuk mund të përgatitet në harkun kohorë të 10 ditëve.
Sipas letrës që i ka dërguar kompania KQZ-së, ka disa limite sa i përket procesit që ata kryejnë, dhe tashmë ata janë informuar edhe për problemet që mund të sjellë një fletë e re votimi.
Por kreu i KQZ-së një ditë më vonë në një deklaratë për mediat është shprehur se kompania sllovene e prodhimit të fletëve të votimit do i qëndroj afatit të printimit dhe transportit. Kreu i KQZ-së tha ka pasur një komunikim me përfaqësuesit e kompanisë dhe ka siguruar se nuk ka asnjë problem me formatin aktual të fletës së votimit.
