Edhe pse dukej se ky moment nuk do të vinte kurrë, Valentino Rossi ka njoftuar këtë te enjte se do të tërhiqet nga garat me motor ne fund të këtij sezoni. Në një konferencë shtypi, 42-vjeçari konfirmoi vendimin për të dalë në pension pas një karriere brilante. Ai u shfaq serioz përballë mediave dhe njoftoi se do të ishte e tij sezonin e fundit aktiv.
“Përshëndetje të gjithëve, thashë që do të marr vendimin tim dhe kam vendosur të ndalem në fund të këtij sezoni. Fatkeqësisht do të jetë pjesa ime e fundit e sezonit si pilot i MotoGP dhe është e trishtueshme dhe e vështirë të thuhet se vitin e ardhshëm unë nuk do të garoj më”, tha Rossi.
‘Vale’ tha se i dha vetes pak kohë, gjatë pjesës së parë të sezonit ndërsa pjesa e mbetur do të jetë edhe gjysma e fundit si pilot për të.
“Do të më pëlqente të garoja edhe 25 të tjera vite dhe nuk është e mundur, por ka qenë bukur ”, tha italiani.
‘Il Dottore’ theksoi se pjesëmarrja e tij në Kampionatin Botëror të Moto GP ka qenë një udhëtim shumë i gjatë dhe vërtet argëtues.
“Ishte fantastike dhe mund të them që kam jetuar momente të paharrueshme me të gjithë ekipin tim”, tha Rossi.
Valentino Rossi ka qenë pjesë e garave me motor për për më shumë se 25 vite dhe ka fituar plot 9 kampionate Moto GP. Ai është piloti me më shumë gara të fituara në historinë e këtij sporti, plot 89 të tilla.
