Bill dhe Melinda Gates, dy nga filantropët më me ndikim në botë lajmëruan këtë të hënë se ishin divorcuar.
Çifti së bashku janë shfaqur si figura kryesore në luftën globale kundër Covid-19, dhe ndarja e tyre ka të ngjarë të dërgojë valë tronditëse në fushën e filantropisë, shëndetit publik dhe biznesit.
Divorci do të krijojë pyetje të reja në lidhje me fatin e pasurisë së Gates, shumica e të cilave ende nuk i janë dhuruar Fondacionit Bill dhe Melinda Gates. Bill Gates, i cili bashkë-themeloi Microsoft-in, është një nga njerëzit më të pasur në botë, me vlerë të vlerësuar rreth 124 miliardë dollarë, sipas Forbes.
“Pasi e menduam mirë dhe pasi punuam shumë për në marrëdhëniet tona, ne kemi marrë vendimin për t’i dhënë fund martesës tonë”, tha çifti në një deklaratë që u postua në llogarinë e Bill Gates në Twitter.
— Bill Gates (@BillGates) May 3, 2021
Megjithatë në njoftim shkruhet se ata do të vazhdojnë të punojnë bashkë. Ata kanë kërkuar që kjo pjesë e jetës së tyre të lihet në privatësi.
Çifti në vitin 2000 themeloi Fondacionin Bill dhe Melinda Gates, një organizatë private filantropike e cila financon punën kërkimore dhe avokuese në të gjithë globin, përfshirë disa nga kombet më të varfra të botës.
Fondacioni ka dhënë miliarda për të mbështetur çështje si shëndetësia globale, zhvillimi dhe arsimi, si dhe luftimin e ndryshimit të klimës dhe pandemisë Covid-19.
