Kryeministri Edi Rama në komunikim online ka folur mbi lehtësimin e masave nisur nga e hëna, teksa u është përgjigjur edhe pyetjeve të qytetarëve në lidhje me shqetësimet për situatën e koronavirusit.
Rama është ndalur te pyetja e një qytetari për dasmat dhe se si do të procedohet më tej, duke thënë se këtë vit nuk do të lejohen, pasi muaji i mjaltit do kalohet me ventilatorë, e jo si më parë.
Është ende larg dita kur do të lejohen dasmat. “Cfarë të bëjmë me dasmat? Asnjë aktivitet në mjedise të mbyllura me më shumë se njerëzit e familjes nuk lejohet, nuk udhëzohet, por nuk duhet të ketë as vizita dhe as dreka e darka dhe jo më të kërcasin dasmat, për cfarë do të martohen njerëzit në këto dasma masive për të kaluar muajin e mjaltit me ventilator krah për krah njëri tjetrit?” tha Rama.
Më tej, Rama thotë se ky do të jetë viti i turizmit të shqiptarëve pasi qeveria po përpiqet të hapë të gjitha rrugët për bashkëkombasit kudo që jetojnë ata.
Ai përsëriti edhe një herë se turizmi këtë vit do ketë limite dhe protokolle sigurie shëndetësore prandaj edhe shqiptarët teksa sot flasin për Suedinë nesër do të duhet të sillen si suedezë me rregullat.
”Linjat ajrore janë të mbyllura. Kemi një koridor ajror me Air Albania, sa hapet aplikimi rezervohen menjëherë. Europa ka thënë që do hapen më 15 qershor, kurse disa vende do i hapin më herët. Ne do i shohim dhe duam t’i qëndrojmë objektivit që brenda majit të hapim të gjitha rrugët ajrore për gjithë shqiptarët kudo që jetojnë, edhe në funksion të turizmit. Këtë vit do jetë turizmi i shqiptarëve. Shqiptarët nuk do të kujtohen për Suedinë, dhe thonë se ja si nuk u mbyll Suedia, por do të sillen si
Rama tha se është planifikuar që në 1 qershor për ditën e fëmijëve, të hapen çerdhet dhe kopshtet, por mbetet për t’u parë shifrat se si do të lëvizë kurba.
