Ministri i Jashtëm i Greqisë, Nikos Dendias vjen sot për një vizitë zyrtare në Tiranë, ndërkohë PDIU dhe shoqata ‘Çamëria’ kanë organizuar një protestë përpara Ministrisë së Jashtme.
Me parullat “Mos prek Shqipërinë!”, “Mos harro Çamërinë!”, anëtarët e partisë dhe shoqatës zhvilluan mitingun paqësor që u shpërnda nga Policia.
Në protestë është dhe kryetari i PDIU, Shpëtim Idrizi. Për mediat ai u shpreh se ky është një shtetrrethim nga Policia, ndërsa deklaroi se nuk kishin marrë leje për protestë paqësore.
Ndërkohë që policia ka shoqëruar edhe drejtuesin e lëvizjes VV në Tiranë, Bojken Abazi.
“Është një shtetrrethim i vërtetë nga Policia shqiptare Kishim bërë kërkesë për protestë paqësore me rastin e vizitës së Ministrit të Jashtëm grek. Për t’i kujtuar “Çështjen çame”, kërkimin e faljes, pronat sigurisht, edhe për kufijtë detarë. Shqipëria boll ka humbur tokë e det.
Fatkeqësisht leja dhe njoftimi jonë është refuzuar me justifikimin e COVID-19. Ne do ta bënim me distancim social, pankarta dhe foni.
Fatkeqësisht ëshët i turpshëm reagimi dhe arsyeja. Shohim përditë asambletë e Ramës, mbledhje partie e konferenca dhe s’ka problem.
Më vjen keq që jemi duke u vendosur para vëllezërve tanë të Policisë, jam i bindur që mendojnë si ne. Ne nuk kemi dalë të fshihemi
Është i turpshëm reagimi dhe arsyeja e ndalimit të tubimit: Parandalimi i COVID!!!!. Bëhen asambletë e Edi Ramës dhe nuk ka COVID!!! Ne nuk e zgjodhëm protestën në kohë COVID-i, por Greqia në kohë COVID-i kërkon 12 milje nga deti ynë”- nënvizoi Idrizi.
Dendias pritet të mbërrijë në MEPJ rreth orës 11:30. Në ora 12:15 ai do të zhvillojë një takim me kryeministrin Edi Rama dhe në ora 12:45 do të dalin në një deklaratë për median.
/GazetaReforma.com/
