Kritiku italian i artit, Vittorio Sgarbi ka mbërritur pak ditë më parë në Shqipëri dhe ka nisur një tur në të gjithë jugun e Shqipërisë, duke nisur nga Vlora për të vijuar më tej.
Mirëpo, Sgarbi ka bërë një “gafë” që jo vetëm ka nxehur qytetarët por ka shkaktuar edhe reagimin e historianëve.
Teksa ka postuar një foto me Bylisin në sfond, Sgarbi shkruan se pamja pas është gjithë çfarë ka mbetur nga qytetërimi grek.
“Në Bylis, në Shqipëri, midis mbetjeve arkeologjike të qytetit grek të panjohur,”-shkruan ai.
Sgarbi është shoqëruar nga zyrtarët e ministrisë së Kulturës dhe të autoritetet vendore.
Të shtunën që lamë pas Sgarbi u përfol edhe në mediat shqiptare sa i takon videos duke u larë në plazhin e Dhërmiut, ku rrezikoi të mbytej, por fatmirësisht ai ka shpëtuar.
Ndërkohë, në një video të publikuar po nga vet Sgarbi dëgjohet që ai i referohet Bylisit si një qytet grek, por Dritan Leli, kryebashkiaku i Vlorës nuk i ka kushtuar rëndësi kësaj çfarë tha Sgarbi për Bylisin, por i sqaron mirë italianit, se si shqiptohet emri Vjosa, pa i bërë përshtypje se Sgarbi e quajti Bylisin një qytet grek e jo shqiptar.
Pas furtunës që krijoi në ditët e fundit me deklaratën e tij italiani ka sqaruar sonte atë çfarë tha.
Në një lidhje direkte me emisionin “Open” Sgarbi u shpreh se ai informacionet për Bylisin i ka marrë nga Google dhe i lexoi sërish sot në emision.
“Kam folur për Ilirinë. Duhet të pranojmë ndikimin e madh grek që kemi. Është në google, Bylisi një qytet grek mes ilirisë dhe epirit. Nuk është interpretim i imi, nuk është provokim imi. Unë jam gati që të pranojë emrin që ju doni ti vini. Nëse doni të hiqni dhe Greqinë fare dhe të bëni një skandal, bëjeni”, u shpreh kritiku italian.
Po ashtu Sgarbi është përballur edhe me arkeologun Neritan Ceka, ku kanë debatuar rreth deklaratës së kritikut italian se Bylisi është qytet grek.
DEBATI NË STUDIO
Sgarbi: Unë nuk bëj polemikë me ju, ju po bëni polemikë me mua. Unë për deklaratat e mia po referohen në autorë të tjerë. Pse jeni kaq tolerantë dhe keni qenë dhe ambasador? Se i thatë dhe zonjës që mos u bëni si Sgarbi.
Ceka: Cilit autor?
Sgarbi: Sa për makinat me xhamat e zinj mi ka dërguar kryeministri, ikni dhe kërkojini Ramës llogari. Unë jam shumë i sjellshëm dhe kam kërkuar vetë të shkojë në Bylis, unë e mora kryetarin e Bashkisë së Vlorës.
Vasili: Zoti Sgarbi, nuk kemi thënë se ti ke bërë polemika…
Sgarbi: Unë nuk vij më në Shqipëri, nëse ju nuk doni polemikë dhe krijoni polemika nuk vij më aty. Unë erdha për vajzën time dhe për miqësinë me Ramën, do shkoj në Korfuz.
Ceka: Ik në Korfuz dhe thuaj se ata janë ilirë dhe do shikosh…
Sgarbi: Unë nuk dua polemika, unë them atë që është.
Më tej, italiani ka folur edhe për shembjen e Teatrit Kombëtar, duke thënë se ai i kishte sugjeruar Edi Ramës që të mos e shembte Teatrit Kombëtar, por nuk është dëgjuar prej tij.
“Unë i thash mikut tim Edi Rama që të mos e shembte, por ai nuk më dëgjoi. Unë i kam thënë se do e mbaja atë teatër dhe do e restauroja. Por unë nuk mund të futem në të gjitha punët tuaja të brendshme. Unë jam kam thënë Ramës atë që mendoja”, u shpreh Sgarbi.
