Lufta midis Ukrainës dhe Rusisë tashmë ka plasur dhe situata paraqitet e rëndë.
Pas shumë tesnioneve midis dy vendeve dhe deklaratave të Rusisë, që paralajmëronin “erën” e një lufte në horizont, mëngjesin e sotëm, Ukraina është zgjuar nga sulmet ushtarake ruse.
Ndërkohë që një shqiptare e cila jeton në Ukrainë tregon me anë të një video të postuar në rrjete sociale, ka rrëfyer momentet e tmerrit nga sulmi rus.
Nelli Syupyur thotë se kufijtë janë të mbyllur dhe situata është shumë e rëndë, ndërsa të gjithë po jetojnë me ankth këto momente tmerri.
“Unë jam këtu në Ukrainë, ishte situatë e rëndë, ka shumë njerëz në banka që marrin para, kufijtë janë të mbyllur, nuk mund të dalësh nga Ukraina. Burri im shkoi në luftë unë jam me djalin. Mund të më telefononi, më shkruani, shpresoj të ikim nga Ukraina, të largohemi. Duhet të shkojmë të hamë të flemë pak. Në të gjithë Ukrainën ka shqiptarë plot. Duam të largohemi në Shqipëri ose në një vend tjetër”, tha ajo.
Ndërkohë që Rusia përgatitej të sulmonte Ukrainën, Presidenti Volodymyr Zelenskyy i bëri një fjalim emocional kombit të tij.
“Sot iniciova një telefonatë me presidentin e Federatës Ruse. Rezultati ishte heshtja. Edhe pse heshtja duhet të jetë në Donbas. Kjo është arsyeja pse unë dua t’i drejtohem sot popullit të Rusisë. Unë ju drejtohem jo si president, po ju drejtohem si qytetar i Ukrainës.
Më shumë se 2000 km të kufirit të përbashkët po na ndajnë. Përgjatë këtij kufiri janë vendosur trupat tuaja, gati 200,000 ushtarë, mijëra automjete ushtarake. Udhëheqësit tuaj i miratuan që të bëjnë një hap përpara, në territorin e një vendi tjetër. Dhe ky hap mund të jetë fillimi i një lufte të madhe në kontinentin evropian”, u shpreh ndër të tjera presidenti i Ukrainës.
