Pak kohë më parë kreu i Partisë Demokratike, Lulzim Basha ka propozuar në Kuvend një projektligj për të dënuar me burg shpifjen. Lidhur me këtë propozim ka folur sot kreu i grupit parlamentar Gazment Bardhi, i cili tha se një propozim të tillë do e kishte zili edhe Edi Rama, duke ironizuar kështu propozimin e Bashës.
Gjatë intervistës për News24, Bardhi tha se Basha është dënuar më shumë për shpifje.
‘Këtë ligj do ta kishte zili dhe do të donte ta propozonte Edi Rama. E ka propozuar kolegu Basha, nuk e di me çfarë motivi apo logjike duhet të dënohet deputetët që denoncojnë Edi Ramën. Por, Basha duhet të jetë një nga deputetët që është dënuar më shumë si shpifje dhe nëse do të zbatohej ky ligj sot do të ishte jo vetëm pa mandat deputeti, por duhet të ishte edhe në burg. Është një nga deputetët që është dënuar më shumë’, tha ndër të tjera Bardhi.
