Ditën e sotme u zbardh dosja e hetimore e SPAK, e cila zbuloi udhëtimet dhe biletat e paguara nga Klodian Zoto i inceneratorëve për anëtaren e komisionit të dhënies së koncesionit, Etleva Kondi, mbikëqyrësin e punimeve tek inceneratori i Fierit, Arben Dervishaj dhe ish-deputetin Alqi Bllako.
Ndërkohë që deputetja Jorida Tabaku ka bërë një deklaratë të fortë në një emsionin në “News 24”.
Ajo tha se Zoto ka paguar bileta udhëtimesh edhe për dy ish-ministra të Edi Ramës. Konkretisht ajo u shpreh se bileta janë paguar edhe për Arben Ahmetajn dhe Damian Gjiknurin.
“Ato që ne sot dëgjojmë publikisht dhe arrestime e fakte që bëhen publike nuk janë e re. Komisioni Hetimor i ka ndjekur. Arrestimet e fundit, mund të ishin bërë edhe 7 muaj më parë. Lidhja dhe influenca tek personat private ka qenë evidente, thjesht sot po evidentohen publikisht dhe ndoshta SPAK ka arritur të dokumentojë një lidhje më të re. Udhëtimet janë jo vetëm të Alqi Bllakos, por edhe të Ahmetajt dhe Gjiknurit.
Pra, të vazhdojë edhe tek personat me pushtet. Si kanë përfituar. Në Komisionin Hetimor u denoncuar fakti se janë 800 milionë lekë bileta udhëtime në kohë krize në kohë Covid-i. Këtë të hetojë SPAK. Duhet sikur afera e inceneratorëve po nxjerr në dritë skandale, por SPAK e ka informacionin”, nënvizoi deputetja.
