Ditën e djeshme ish-presidenti Bujar Nishani u nda nga jeta në moshën 56-vjeçare. Ish-Presidenti Nishani ishte në gjendje kritike për jetën prej disa javësh dhe mbahej në jetë me aparatura. Ish-presidenti Nishani vuante nga pneumonia bilaterale, ndërsa pas prekjes nga Covid-19, shëndeti i tij u përkeqësua ndjeshëm.
Ndërkohë që ish-kryetarja e Parlamentit, Jozefina Topalli, shpreh ngushëllime për ndarjen e parakohshme nga jeta të ish-Presidentit Bujar Nishani, në moshën 56-vjeçare.
Në një mesazh në “facebook”, Topalli thekson se Nishani ka një histori të veçantë njerëzore dhe pollitike, ndërsa kujton edhe një takim me të shumë vite më parë.
Gjithashtu Topalli shprehet se është takuar me Nishanin, para se ai të bënte një operacion të vështirë dhe ku askush nuk e dinte si do të shkonte.
Mesazhi i plotë i Topallit:
Lamtumire President Nishani!Bujar Nishani ka nje histori te vecante njerezore dhe politike. Pak njerez ne politike kane patur aq poste te rendesishme dhe te kene dalur nga to me respekt e dinjitet.
Edhe ne jeten personale ka kaluar sfida jo te vogla duke u perballur me jeten.
Kujtoj ,shume vite me pare, kur u takuam para se te bente nje operacion te veshtire. Askush nuk e dinte si do shkonte. Operacioni ishte teper delikat, por ai edhe ne ate situate fliste me qetesi dhe vetekontroll.
Shpresova se do ia dilte edhe kesaj here.
Me pikellim te madh shpreh ngushellimet me te thella per Odeten, femijet e familjen e tij me te gjere,per miqte dhe bashkepunetoret e tij!
Bujar Nishani i ka bere nder familjes, vendit dhe Partise Demokratike!
Pushofsh ne paqe mik!
