Guvernatori i Bankës së Shqipërisë, Gent Sejko ka dalë në një konferencë për mediat ku foli mbi zhvillimet kryesore në ekonominë shqiptare për shkak të situatës së krijuar me rritjen e çmimeve për produktet dhe shërbimet.
Gent Sejko tha se çmimet do të vijonin të ishin të larta deri në vitin 2023 po ashtu nënizoi se inflacioni do të ishte në nivel më të lartë nga sa ishte parashikuar për dy vitet e ardhshme.
Guvernatori i Bankës së Shqipërisë Gent Sejko: Ekonomia shqiptare do të vazhdojë të rritet gjatë vitit 2022 dhe në vazhdim. Ky gjykim mbështetet në supozimin e mos-përshkallëzimit të mëtejshëm të konfliktit. Nga ana tjetër Këshilli Mbikëqyrës i Bankës së Shqipërisë vlerëson se inflacioni do të qëndrojë mbi objektivin edhe në 2 vitet në vazdhim.
Të dhënat që vijnë nga tregjet ndërkombëtare tregojnë se çmimet do të vazhdojnë të mbeten të larta edhe gjatë vitit 2022 dhe vitit 2023. Përtej kësaj situata ekonomia shquiptare ka shfaqur shenja të qarta rimbëkëmbje.
Banka e Shqipërisë vendosi të rrisë normën bazë të interesit me 0.5 për qind duke e çuar në 1 për qind. Kjo pritet të shtrenjtojë kreditë në lekë në Shqipëri dhe me gjasë do të rrisë edhe këstet e kredive për ata që kanë normë interesi të ndryshueshme.
