Tani është zyrtare, sulmuesi kuqezi Armando Broja do të vijojë karrierën e tij te skuadra e Southampton në Premier League. Klubi bardhekuq ka prezantuar futbollistin shqiptar, si afrimin më të ri në merkato. Broja bashkohet me Southempton në formë huazimi nga Chelsea për një sezon.
Broja luajti një vit huazim te Vitesse në kampionatin holandez, ku fitoi pjekuri, por edhe shënoi gola. Pas prezantimit te Southampton, Broja tha: “Ndihem shumë i lumtur, isha vërtet i emocionuar për t’u bashkuar me Sauthempton. Është një mundësi shumë e mirë.
Unë jam një sulmues i gjatë, por gjithashtu jam mjaft i shpejtë. Më pëlqen të dribloj, më pëlqen ta mbaj topin dhe ta luaj topin me shokët e skuadrës. Më pëlqen të shënoj shumë gola, kështu që këto janë atributet e mia kryesore.
Kam dy modele kryesore që më inspirojnë, Cristiano Ronaldo dhe Ronaldo fenomeni, ai braziliani. Ata ishin dy lojtarët e mi të preferuar. Ronaldo braziliani ishte i mahnitshëm. Kam parë shumë video të tij në YouTube, sepse isha shumë i ri kur ai luante!
Për sa i përket CR7, e dua mentalitetin e tij, e dua nivelin e tij të punës dhe e dua mënyrën se si ai performon në fushë, kështu që ata janë dy lojtarët e mi të preferuar”, u shpreh Broja.
