Tensionet mes Rusisë dhe Ukrainës vazhdojnë ende ndërsa Britania e Madhe ka sanksionuar 3 banka dhe 3 rusë të pasur. Pak pasi Rusia njohu dy rajonet separatiste në Ukrainë kanë nisur edhe sankisonet e para. Boris Johnson ka njoftuar sanksionet e para ndaj Rusisë pasi presidenti Vladimir Putin urdhëroi vendosjen e trupave në dy rajone të shkëputura në Ukrainën lindore.
Sankionet janë kundër pesë bankave ruse dhe tre miliarderëve. Sipas BBC, kryeministri tha se veprimet e Rusisë përbënin një “pushtim të rinovuar” të vendit, pjesë të të cilit u aneksuan ilegalisht nga rusët në 2014. Ai shtoi se “breshëria e parë” e sanksioneve do të zgjatej nëse situata përshkallëzohej më tej. Ai tha se tre individëve rusë të sanksionuar do tu ngriheshin asetet e tyre në Mbretërinë e Bashkuar dhe do të ndaloheshin të udhëtonin drejt këtij vendi.
Ministrat e Jashtëm të Bashkimit Evropian takohen të martën për të vendosur se çfarë sanksionesh do të vendosin ndaj Rusisë pas vendimit të saj për të njohur dy rajonet separatiste në Ukrainën Lindore. Shefi i politikës së jashtme të BE-së, Josep Borrell, tha se në takimin që do të mbahet në Paris “do të merren vendimet politike rreth përgjigjes evropiane”. Një zëdhënës i Zelenskyt sakaq mohon që të jetë diskutuar largimi i mundshëm i tij e tha se nuk është në dijeni nëse ka pasur bisedime të tilla mes zyrtarëve të nivelit më të ulët në qeveritë e SHBA-së dhe Ukrainës.
