Për shkak të coronavirusit në 24 orët e fundit në Brazil janë shënuar 1.212 vdekje dhe në Meksikë 688.
Ministria e Shëndetësisë e Brazilit njoftoi se me 52.383 raste të reja që janë regjistruar në 24 orët e fundit, ka arritur në 2.662.485 numri i përgjithshëm i rasteve me COVID-19 në vend, ndërsa bilanci i viktimave ka shkuar në 92.475.
Sao Paulo me një popullsi prej rreth 46 milionë banorë, është rajoni më i prekur në vend nga pandemia me 542.304 raste dhe 22.997 vdekje nga COVID-19.
Me një popullsi prej më shumë se 211 milionë banorësh, Brazili aktualisht është vendi i dytë më i prekur në botë pas SHBA-së.
Ndërsa Ministria e Shëndetësisë së Meksikës njoftoi se me 688 vdekjet e reja të shënuara në 24 orët e fundit, numri i viktimave nga COVID-19 në vend është rritur në 46.688. Ndërkaq, me 8.458 raste të reja, është rritur në 424.637 numri i të infektuarve me COVID-19.
