Shefi i Urgjencës Kombëtare, Skënder Brataj ka thënë se infektimet e ditëve të fundit janë si pasojë e grumbullimeve gjatë fushatës elektorale.
Brataj ka sqaruar se për dy ditë nuk ka pasur asnjë të person që ka shkuar në QSUT, por kjo ishte vetëm për spitalinCOVID-1, pasi në spitalet e tjera të përshtatura COVID ka pasur raste të shtrimeve.
Gjithashtu Brataj i ftuar në emisionin “Breaking”, ka thënë se pozitivë është fakti që në këtë pikë të sëmurët e paraqitur nuk janë në gjendje të rëndë dhe si pasojë qëndrojnë më pakë të shtruar në spitale.
“Kohët e fundit u vu re një rritje e lehtë e të shtruarve në spital. Ditën e djeshme ka pasur 14 nga të cilët 4 në QSUT. Dua të sqaroj se ishte rastësi ato dy ditë që nuk na erdhën qytetarë për t’u shtruar në QSUT, por kjo nuk do të thotë që nuk kishim pacientë për 24 orë, sepse qëlloi që pacientët dërgoheshin te spitali COVID 2.Por ajo që është pozitive në këtë pikë është fakti se të sëmurët nuk janë aq rëndë dhe qëndrojnë më pak të shtruar në spital. Kjo është një rritje fiziologjike si rezultat i fushatës elektorale dhe kujdesi duhet të vazhdojë.”, tha Shefi i Urgjencës Kombëtare, Skënder Brataj.
