Jemi në një periudhë kur bota po përballet me virusin vdekjeprurës Covid-19, nga i cili kanë humbur jetën mbi 400 mijë njerëz.
Organizata Botërore e Shëndetit ka ngritur alarmin për një tjetër virus më të rrezikshëm se koronavirusi.
Bëhet fjalë për virusin “Nipah”, i cili raportohet të jetë identifikuar për herë të parë në vitet 1998-1999 gjatë një epidemie në mesin e fermerëve të derrave në Majlazi dhe Singapor ku kishte rreth 700 raste.
Raportohet se 50 deri në 75 % e atyre që ishin të infektuar nuk i bënë dot ballë virusit.
Mendohet se përhapja e këtij virusi e ka burimin nga lakuriqët Pteropus.
Rrugët e mundshme të transmetimit “NiV” janë konsumimi i frutave të ndotura me pështymën e lakuriqëve të infektuar, kontaktin e drejtpërdrejtë me lakuriqët e infektuar ose transmetimi nga njerëzit përmes kontakteve të ngushta të pambrojtura.
Teksa ende nuk është gjetur një vaksinë për Covid-19, mendohet se virusi “Nipah” mund të shpërthejë si epidemi.
Sipas ekspertëve, “Nipah” mund të jetë një nga ata që janë përgjegjës për shpërthime aq serioze sa ato të COVID-19, SARS, Ebola ose Zik.
OBSH shpjegon se infeksioni i virusit Nipah (NIV) është një sëmundje e kafshëve që mund të transmetohet rastësisht te njerëzit që shkakton simptoma të rënda si te kafshët ashtu edhe tek njerëzit.
Raportohet se NIV u zbulua për herë të parë gjatë një shpërthimi të sëmundjes që u shpall në Malajzi në 1998.
Në Bangladesh, në 2004, personat e prekur u infektuan pasi konsumuan farat e hurmave të kontaminuara nga lakuriqët.
Disa nga simptomat që shkakton “Nipah” tek të infektuarit janë ethet, kolla, dhimbje koke, gulçim dhe shenja gripi që mund të çojnë në dëmtim të trurit.
