Shqiptarët po përballen me rritjen e frikshme të naftës. Pas deklaratës së Ramës e ballukut ku mësonin shqiptarët se si të kursejnë, çmimi i naftës u rrit deri në 270 lekë. Ndërkohë fill pas deklaratës Rama dhe ministrja e tij u nisën drejt Dubait nga ku kryeministri jonë u bënte thirrje shqiptarëve të kenë kurajë dhe të durojnë zhvatjen e xhepave përmes blerjes së naftës me një çmim stratosferë. Gjithsesi pavarësisht gajreteve që na bën Rama i cili çdo gjë e ka të paguar nga taksat tona, sipas REL, rezulton se Shqipëria ka aktualisht çmime më të shtrenjta se Bosnja dhe Hercegovina, Maqedonia e Veriut, Mali i Zi dhe Kosova. Madje Bosnja dhe Hercegovina ka çmimet më të ulëta me një diferencë gati 1 euro më lirë se në Shqipëri. Sipas grafikëve të përpunuar nga Radio Evropa e Lirë, produktet e naftës janë shtrenjtuar vazhdimisht që pasi Rusia nisi pushtimin e Ukrainës, më 24 shkurt. Pas kësaj shqiptarëve u mbetet ose të marrin mend nga pushtetarët të cilët u mësojnë kur ndizet kondicioneri dhe si të shkohet të merret buka, ose të ngrihen në mënyrë demokratike të kërkojnë uljen e çmimit të naftës, por jo vetëm. Deri sa ju të zgjoheni shqiptarë, urojmë që gjumi t’u prishet nga një ëndërr ku protagonistë të jenë fëmijët tuaj dhe t’ju tregojë se e ardhmja e tyre në mënyrë të sigurt dhe me një vend pa korrupsion dhe jetesë pa çmime të larta varet nga vetë ju prindër të nderuar shqiptarë.
