Ditën e sotme, Bordi i Transparencës ka dalur me një vendim të ri që ul çmimet e karburanteve në vend. Nafta ishte 232 lekë/litri bëhet 226 lekë/litri, ndërkohë që benzina ishte 216 lekë/litri bëhet 211 lekë/litri
Gazi ishte 81 lekë /litër dhe vendimi i ri nuk e ka ndryshuar. Bordi i Transparencë po i ndryshon pothuajse çdo ditë çmimet e karburanteve si një përpjekje dëshpëruese për të justifikuar ekzistencën e tij.
Vlen të theksojmë se në burse një fuçi naftës shitet për 95 dollarë.
NJOFTIMI
Bordi i Transparencës në datë 22 Korrik 2022, në mbledhjen e radhës vendosi:
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 226 lekë/litri, ndërsa i shitjes me shumicë jo më shumë se 214 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 211 lekë/litri,ndërsa i shitjes me shumicë jo më shumë se 199 lekë/litër.
Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
Çmimet e caktuara nga Bordi do të hynë në fuqi sot datë 22 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Jemi në monitorim të vazhdueshëm të ecurisë së bursave, me qëllim reagimin sa më të shpejtë.
