Bordi i Transparencës vendosi gjatë ditës së djeshme ndryshim të çmimit të naftës. Çfarë… prisni të jetë ulur?! Gabim! Të nderuar lexues të Reformës, përsëri naftën do ta merrni shtrenjtë dhe kësaj here për vetëm 245 lekë! Sipas Bordit të Transparencës dhe Edi Ramës dirigjent sigurisht, ka ndryshuar formula e llogaritjes, teksa operatorëve do u njihen më shumë shpenzimet fikse ndaj dhe është detyruar të çojë në stratosferë çmimin e naftës. Sipas metodologjisë së deritanishme, Bordi cakton çdo javë ose kur e vlerëson të nevojshme, në diskrecion të tij, çmimin tavan për shitjen për gazoilin, benzinën dhe gazin e lëngshëm të naftës, pra me pak fjalë Rama harroi se çmimi i naftës në vend ndryshon vetëm kur ndryshon çmimi i bursës. E pas kësaj rritje rekord që nuk e ka bërë asnjë vend i rajonit që ka pagën për një punëtor më të lartë se ne të shkretët shqiptarë, ditën e martë do të protestohet sërish kundër rritjes së çmimit të naftës. Lajmi është bërë i ditur nga aktivisti Adriatik Lapaj, i cili ka dhënë edhe detajet se kur dhe ku do të mbahet protesta.
Postimi i Adriatik Lapaj:
SËRISH NË SHESH!
SËRISH NË SHESH!
TË MARTËN ORA 17.00 NË SHESH
Çmimi karburanteve vijoi rritjen nga dita e fundit e protestës. Ishte me 203 lekë, sapo shkoi me 245 lekë. Pritet të shkojë mbi 250 lekë për litër.
