Prej ditësh ka nisur protesta para Kryeministrisë, e organizuar nga shoqëria civile, e cila kërkon uljen e çmimeve, pasi më shumë se pasojat e luftës, duket se është çështje abuzimi.
Ndërkohë që studentët prej ditësh i janë bashkuar protestët, si një zë i fuqishëm që kërkon ndryshimin e situatës në ven.
Por sot studentët e Fakultetit të Shkencave të Natyrës dhe Fakultetit të Shkencave Sociale kanë zgjedhur që që bojkojtojnë mësimin në shenjë proteste.
Kryetari i këshillit studentor në Fakultetin e Shkencave të Natyrës, Dorjan Beqiri, në një dalje për mediat, tha se studentët do të jenë çdo ditë për të mbështetur protestën dhe se do të jetë një zë i fortë i këtij tubimi. Ai në emër të studentëve parashtroi 3 kërkesa që duhet t’i jepet zgjidhje nga qeveria, siç është përgjysmimi i tarifave të masterit, heqja e tarifës së transportit për ta në linjat e urbaneve si dhe zgjedhje e një përfaqësuesi të studentëve në bordin e administrimit të fakultetit.
“Hidhemi në protestë për çmimet. Ne do dalim me 3 kërkesa që janë bazike për studentët në kohë krize. Kërkesa e parë; përgjysmimi i tarifave cikli i dytë master, që janë tarifa të larta. Zerim për abonenë studentore. Kërkojmë zgjedhje për përfaqësuesin e studentëve për bordin e administrimit. Ditën e nesërme do të nisim organizimeve, dhe do i bashkohemi protestave kombëtare çdo 17:00. Kemi bërë kërkesa për ato nevoja që kemi.”, tha ai. Ndërkohë, kolegu i tij i Fakultetit të Shkencave Sociale tha se studentet duhet të jenë në masë në shesh për të protestuar.
“Është bojkotuar mësimi në disa fakultetet, por jo në mënyrë masive. Sot në shesh duhet të jenë studentë në masë. Duhet të jenë në shesh dhe më pas do të shihet mënyra e organizimit. Në Orën 16:30 do mblidhemi te Sheshi Skënderbej. Tarifat tona janë të kripura, duam reduktim të tyre.”, tha ai.
