Një aksident rrugor u regjistrua pasditen e së hënës pranë fshatit Bulgarec, në afërsi të qytetit të Korçës.
Një automjet tip BMW, në të cilin udhëtonin anëtarë të një familjeje, ka dalë nga rruga dhe është përmbysur, pasi dyshohet se drejtuesi humbi kontrollin mbi mjetin.
Si pasojë, tre persona një grua dhe dy fëmijë , kanë mbetur të plagosur. Të dëmtuarit janë transportuar menjëherë në spitalin e Korçës dhe ndodhen jashtë rrezikut për jetën.
Në vendin e ngjarjes ndodhet grupi hetimor, që po punon për të zbardhur shkaqet e aksidentit.
Policia ka nisur veprimet procedurale ndaj drejtuesit të mjetit, ndërkohë që vijojnë verifikimet për rrethanat e plotë të ngjarjes.
