Këtë sezon vere punonjësit e Policisë së Shtetit nuk do të kenë pushime. Sipas një urdhri të lëshuar nga drejtori i Përgjithshëm i Policisë së Shtetit, Muhamet Rrumbullaku uniformat blu këtë vit duhet të anulojnë çdo plan për pushime verore.
20 qershor-15 shtator, do të jenë nga 12 orë në shërbim të qytetarëve. Gjithashtu nuk do të kenë asnjë ditë pushim. Sipas dokumentit të “Ora News”, pushimet që nuk do të merren në sezonin e verës, efektivët do t’i plotësojnë përgjatë pjesës së mbetur të vitit kalendarik 2024.
Aktualisht, në të gjithë vendin ka rreth 11 000 punonjës të Policisë së Shtetit që do të jenë shpërndarë në të gjithë vendin, si në zonat bregdetare dhe qytetet turistike, edhe në Tiranë, ku do të duhet që të kujdesen për ruajtjen e rendit.
Po ashtu, vlen për t’u theksuar se kjo është hera e parë që merret një masë e tillë për punonjësit e Policisë, pasi parashikohet që të ketë një “boom” turistësh.
Deri në prill, në territorin shqiptar hynë 1.4 milionë shtetas shqiptar dhe të huaj, ndërsa sipas parashikimeve të bëra nga Ministria e Turizimit, totali bashkë me sezonin e verës, pritet që të kapë 15 milionë njerëz.
