Mijëra qytetarë e automjete kanë hyrë në Shqipëri dhe anasjelltas, në pikën kufitare të Morinit. Mësohet se rradhët e mjeteve janë krijuar në dy anët e kufirit.
Burime nga policia bëjnë me dije se deri në mesditë kanë hyrë e kanë dalë nga Shqipëria rreth 17 mijë persona dhe më shumë se 5600 mjete.
Policitë kufitare të Shqipërisë e Kosovës janë vendosur në pikën e përbashkët të Morinit, pas mbrëmjes së kaluar.
Zhvendosja e policisë së Kosovës pranë asaj të Shqipërisë erdhi menjëherë pas nënshkrimit të marrëveshjes së bashkëpunimit mes ministrave të brendshëm në Morinë, e cila synon të krijojë më shumë lehtësira gjatë kalimit të shtetasve në kufi.
