Mbi 10 mijë lodra fëmijësh janë sekuestruar nga Inspektorati i Mbikëqyrjes së Tregut, pasi janë jashtë standardeve .
Lodrat e sekuestruara janë të llojit ‘slime’, një material tipik plasteline që përdoret edhe si antistres.
Inspektorët kanë mbikëqyrur tregjet e shumicës dhe pakicës në Tiranë për të kontrolluar lodrat që shiten.
Ato përmbajnë sasi të larta lëndësh kimike, që shkaktojnë pasoja të rënda në shëndetin e fëmijëve.
Autoritetet bëjnë thirrje që prindërit të kontrollojnë shenjën CE përpara se të blejnë lodrat për fëmijët, ky shenjim do të thotë se malli është brenda standardeve të çertefikuara nga Bashkimi Europian.
