Mbrëmjen e sotme një masiv i madh dheu ka bllokuar mbrëmjen e sotme aksin rrugor Vlorë-Orikum, duke penguar edhe qarkullimin e mjeteve.
Ndërkohë prefekti Flamur Mamaj tha se shkak janë bërë shirat e rrëmbyeshëm. Sipas tij masivi i madh i dheut që ka rrëshqitur ende nuk dihet nga ka ardhur, ndërsa po punohet për pastrimin e rrugës.
“Siç e shikoni është për shkak të shirave të rrëmbyeshëm që ranë pasditen e sotme. Ka bërë që të ketë një rrëshqitje të jashtëzakonshme të një masivi të madh dheu, që ka bllokuar rrugën pranë Jonufrës. Jemi angazhuar për të bërë zhbllokimin. Siç duket sipërfaqja e dherave është e rrëshqitur është rreth 1 mijë metra kub dhe’ dhe akoma nuk jemi të bindur nga ka ardhur gjithë ky masiv, pasi shirat kanë qenë të rrëmbyeshëm. Shpresojmë që me angazhimin e 4 mjeteve fadroma të bëjmë të mundur zhbllokimin e kësaj rruge”, deklaroi Mamaj.
Gjithashtu ka reaguar edhe policia rrugore.
Policia Rrugore e Vlorës
Nisur nga moti i keq me reshje të dendura shiu në shumë zona të vendit, Policia Rrugore ka shtuar prezencën e shërbimeve në të gjitha akset rrugore dhe apelon për të gjithë drejtuesit e mjeteve të bëjnë kujdes të veçantë, pasi ka prezencë të ujit në disa rrugë.
Për shkak të rreshjeve të shiut në askin rrugor Vlorë-Orikum, në Jonufër, ka patur rrëshqitje të dheut, gjë që ka sjellë bllokim të lëvizjes së mjeteve.
Policia Rrugore e Vlorës, kërkon mirëkuptimin e drejtuesve të mjeteve që të shmangin sa është e mundur lëvizjen në këtë aks rrugor, ndërkohë që kontraktorët 🚜 po punojnë për zhbllokimim e rrugës dhe kthimin në normalitet të lëvizjes së mjeteve.
Policia Rrugore apelon për drejtuesit e mjeteve që për cdo emregjencë që mund të kenë gjatë udhëtimit të telefonojnë menjëherë në numrin 112 ose të dërgojnë imazhe në Komisariatin Dixhital dhe shërbimi i Policisë do jetë në kohë reale në ndihmë të tyre.
