Ditën e sotme është njoftuar që rrethrrotullimi tek sheshi “Shqiponja” do të jetë i mbyllur për të paktën 4 muaj dhe se qytetarët me makina duhet të devijojnë në rrugë alternative.
Policia e Shtetit me anë të një statusi në “Facebook” ka apeluar që qytetarët të përdorin rrugët alternative që mos të bëhen pengesë në lëvizjen e automjeteve të urgjencës apo emergjencës.
Statusi i Policisë:
Shërbimet shtesë të Policisë Rrugore të Tiranës po menaxhojnë trafikun në rrethrrotullimin Shqiponja, gjatë fazës së avancuar të ndërtimit për projektin që ka si synim lehtësimin e lëvizjes për hyrje-daljet në Tiranë.
Policia Rrugore fton drejtuesit e mjeteve që të përdorin rrugët alternative përgjatë 4 muajve të punimeve për realizimin e këtij projekti, si dhe të respektojnë me rigorozitet sinjalistikën e detyrueshme, për të mos sjellë pengesa në lëvizjen e mjeteve, sidomos atyre të urgjencës apo emergjencës.
Kjo situatë e krijuar na kujton edhe një herë pa aftësinë e bashkisë Tiranë për të menaxhuar situatën në vend, ku punimet shumë mirë mund të ishin kryer gjatë kohës së karantinës dhe tashmë të kishin përfunduar.
Por, mund të ketë edhe një prapaskenë tjetër. Qeveria kërkon që të bëjë inaugurimin e rrugës sa më afër zgjedhjeve në mënyrë që të ndikojë tek qytetarët për vota.
/GazetaReforma.com/
