Sekretari amerikan i Shtetit, Anttony Blinken, në një konferencë të përbashkët për media me krydiplomatin austriak, Alexander Schallenberg ka folur lidhur me politikat e jashtme të Ballkanit Perendimor.
Gjatë fjalës së tij, Blinken ka thënë se ajo që s’duhet të ndodh në rajon dhe që s’i duhet askujt në Evropë, është kthimi prapa në vitet ’90.
Ai ka folur lidhur edhe me dialogun mes Kosovës dhe Serbisë, duke theksuar se dialogu është e vetmja mënyrë për normalizimin e raporteve diplomatike mes dy vendeve.
“Është diçka që e kemi shumë afër zemrave tona, dhe në veçanti (e ka) presidenti Biden, sepse për presidentin dhe për mua, kur unë fillova (punën) në të ’90-tat, fokus i madh i botës ishte në Ballkan, në Bosnje e në Kosovë, dhe një gjë që nuk na duhet, që Evropës nuk i duhet, dhe veçanërisht njerëzve të Ballkanit Perëndimor nuk u duhet, është kthimi prapa, ku ne e gjejmë veten në të ’90-tat, dhe duke iu falënderuar politikës së Austrisë, po shkojmë me vendosmëri në drejtim tjetër, në drejtim pozitiv, në të cilin Ballkani po integrohet vërtetë me Evropën”, ka thënë Blinken.
