I gjithë parku i Liqenit artificial është blinduar nga policia për të ndaluar njerëzit të cilët çdo mbasdite dalin shëtitje me të afërmit e tyre edhe pse urdhëri i qeverisë i ka ndaluar.
Shefi i komisariatit nr1 në Tiranë është shkarkuar nga detyra pikërisht sepse lejoi levizjen e lirë të qytetarëve pas orës 17:30, ndërkohë që ishte e ndaluar.
Drejtori i Policisë së Shtetit zgjodhi të bëjë shembull shkeljen e detyrës së shefit tashmë të shkarkuar, për të mos lejuar përsëritjen e rastit.
Në të gjitha pikat hyrëse të parkut janë vendosur efektivë policie për të ndaluar e këshilluar qytetarët për masat që duhet të zbatojnë për shmangien e koronavirusit.
Më problematike është situata në fundjavë, pasi shumë qytetarë shfrytëzojnë rastin që janë pushim në punë, për të kaluar disa orë me familjen në natyrë.
Shkarkimi i shefit të komisariatit numër 1 u pasua dhe me një urdhër drejtuar të gjithë vartësve të tij ku paralajmëroi shkarkime të tjera në rast të mos ushtrimit të kontrollit të territorit si duhet dhe mos zbatim të aktit normative dhe kodit penal.
