Kandidatët për hetues në BKH do të zhvillojnë testime fizike. Byroja Kombëtare e Hetimit njofton se kandidatët të cilët kanë kaluar Testin e Arsyetimit Logjik (424), do t’i nënshtrohen Testit të Aftësive Fizike nga datat 19.10.2020 deri në 22.10.2020.
Sipas njoftimit të BKH-së, Testi i Aftësive Fizike do të zhvillohet në ambientet e Repartit Special “RENEA”, Yzberisht, Tiranë, por për shkak të numrit të lartë të aplikantëve, testimi do të zhvillohet në 4 faza, si më poshtë:
– Datë 19.10.2020, do paraqiten për testim kandidatët që janë në listë, me numër rendor : 1 (një) deri në 100 (njëqind) ;
– Datë 20.10.2020, do paraqiten për testim kandidatët që janë në listë, me numër rendor: 101 (njëqind e një) deri në 201 (dyqind e një).
– Datë 21.10.2020, do paraqiten për testimin kandidatët që janë në listë, me numër rendor: 202 (dyqind e dy) deri në 302 (treqind e dy).
– Datë 22.10.2020, do paraqiten për testim kandidatët që janë në listë me numër rendor: 303 (treqind e tre) deri në 403 (katërqind e tre).
Kandidatët duhet të paraqiten në orën 08.00 në ambientet e Repartit Special “RENEA”, si dhe duhet të jenë të pajisur me maska, të kenë atlete dhe veshje sportive të përshtatshme për vrapim, si edhe pije freskuese.
Para fillimit të Testit të Aftësive Fizike, ata do të regjistrohen duke paraqitur një dokument identifikimi me fotografi (pasaportë ose kartë identiteti), dokument i cili do të krahasohet me gjeneralitetet e parashikuar në listën emërore.
Gjithashtu, kandidatët para se të marrin pjesë në test do të dorëzojnë tek Komisioni i Përzgjedhjes Raportin Mjekësor, nga specialisti Kardiolog, që vërteton që janë të aftë fzikisht për të marrë pjesë në këtë test pa rrezikuar për infarkt kardiak ose komplikacione kardiovaskulare.
/GazetaReforma.com/
