Policia ka zbardhur të tjera detaje në lidhje me grabitjen e 25 milionë lekëve të biznesmenit në Tiranë.
Ngjarja eshte regjistruar të premten e kaluar në zonën e Komunës së Parisit, pranë një qendre tregtare.
Biznesmeni Flamur Behi ka qenë në vëzhgim të grabitësve për shumë javë.
Hetimet paraprake kanë zbuluar se 2 të arrestuarit, Donald Hoxha, 27 vjeç, dhe Gentian Kane, 44 vjeç, e kanë realizuar vjedhjen nëpërmjet një bllokuesi valësh.
Pasi e kanë gjurmuar, kur ka mbledhur xhiron në biznese të ndryshme që administron, kur ky i fundit ka parkuar në qendrën tregtare, autorët kanë aktivizuar bllokuesin e valëve.
Në këtë mënyrë makina mbetej e hapur pavarësisht se biznesmeni e mbylli me pult.
Pas largimit të tij, autorët kanë marrë nga bagazhi paratë dhe janë larguar.
Biznesmeni Behi merret me import, eksport, tregtim cigaresh dhe artikujsh të ndryshëm.
Vetëm 2 ditë më vonë, policia ka arritur t’i identifikojë dhe arrestojë të rinjtë, të cilët janë parë nga kamerat e sigurisë në qendrën tregtare.
Policia ka sekuestruar edhe shumën e konsiderueshme të parave të vjedhura, nga të cilat mungonte vetëm një pjesë e vogët, të cilën autorët e kishin shpenzuar.
Donald Hoxha është vëllai i spikeres së Zjarr Tv-së, Greta Hoxha, ndërsa, Gentian Kane është i dashuri i saj.
