Ditën e djeshme policia e Kurbinit, procedoi me 2 milionë lekë dy persona, pasi u kapën duke gërryer shtratin e lumit Mat, duket se “ligji bën përjashtim” për disa kategori.
Një ndër to është edhe firma “Gjikuria” e cila ka nisur gllabërimin e natyrës.
Para disa ditësh, raportuam një denocim sipas së cilit në dy monumente natyrore Kanioni i Gjipesë dhe Bokërrimat e Vunoit, ushtrojnë aktivitet të jashtëligjshëm, guroret e firmës Gjikuria.
Fadromat e firmës “Gjikuria” prej ditësh kishin nisur punimet përballë kompleksit të vetë biznesmenit Lorenc Gjikuria. Mesa duket Gjikuria po merr masa për hapjen e sezonit veror.
Deri tani biznesmenit nuk i ka hyrë “gjemb në këmbë” nga shteti shqiptar, i cili mesa duket vazhdon të jetë indiferent përballë çështjeve me rëndësi publike.
Një video e publikuar të “Dosja.al” duket se biznesmenit Gjikuria i ka hyrë frikë nga artikujt e publikuara në media.
Në pamjet e xhiruara shihen fadromat që janë hequr gjatë natës dhe punën e eskavatorit po e bëjnë punëtorët e Gjikurias me kazma e lopata.
Kujtojmë këtu se disa ditë më parë u gjobit me 20 milionë lekë të vjetra biznesmeni Artur Bubeqi, por mesa duket Gjikuria i ka gjetur mënyrat për t’ju shmangur gjobave.
https://www.facebook.com/dosja.alb/posts/1131204403907364
