Një biznesmen ndërtimi është rrahur keq nga bodigardët e ortakut të tij në një ndërtim pallati. Sino Llanaj, një prej investitorëve është dërguar menjëherë në spital. Shkak është bërë konflikti mes dy investitorëve për një kompleks banimi me struktura 2,9 dhe 11 kate mbi tokë në rrugën Ndre Mjeda, ky dy investitorët “Llanaj ndërtim” dhe “Star Construction shpk” do të realizonin punimet.
Sic mësohet nga banorët, dy investitorët, janë në konflikt me njëri tjetrin dhe konfliktin po e zgjidhin në gjykatë, ndërkohë që banorët, për shkak të konfliktit të tyre të tejzgjatur kanë mbetur jashtë.
Sot, Sino Llanaj, është prezantuar para banorëve por sic tregojnë këta të fundit, bodigardët e pronarit tjetër të Star Constraction, kanë goditur biznesmenin Sino Llanaj që është dërguar në spital.
Këto janë pamjet kur ndërhyn policia dhe e merr biznesmenin, i cili shihet i mbuluar nga gjaku.
Por grindja e këtyre investitorëve po u kushton shumë qytetarëve që kanë paguar lekët dhe nuk po marrin çelësat, siç u ishte premtuar.
Banorët e këtij pallati në ndërtim në zonën e Astirit në Tiranë kanë protestuar paraditen e sotme, pasi nuk kanë marrë apartamentet për të cilat kanë parapaguar prej 4 vitesh. Shkak është bërë përplasja mes dy investitorëve të kompleksit.
