Alfred Cenkollari, makina e të cilit u dogj mëngjesin e sotëm në Pogradec, ka dhënë dëshminë e tij para grupit hetues.
Biznesmeni i njohur në Pogradec, është shprehur në lidhje me ngjarjen, se sipas tij zjarri është aksidental. Cenkollari ka mohuar të ketë konflikte, duke përjashtuar sipas tij mundësinë e zjarrvënies së qëllimshme.
Ai është shprehur para oficerëve të Policisë se ditën e djeshme e ka përdorur për një kohë të gjatë makinën, gjë që mund të ketë sjellë edhe defektin që ka shkaktuar zjarrin.
Ndërkohë mësohet se janë marrë pamjet filmike të kamerave të sigurisë pranë vendit të ngjarjes dhe nga ana e grupit hetimor është duke u punuar mbi zbardhjen e plotë të ngjarjes dhe përcaktimin e shkakut të rënies së zjarrit në makinën e biznesmenit.
/GazetaReforma.com/
