Në autostradën Tiranë-Durrës u ekzekutua mbrëmjen e së dielës 37-vjeçari Iljaz Çali. I ndjeri u vra nga persona të paidentifikuar në një zonë ku kishte mungesë të energjisë elektrike dhe ku kamerat mungonin.
Të paktën 20 plumba janë qëlluar ndaj viktimës, i cili po qarkullonte me një automjet me qira. Gjashtë prej plumbave e kanë kapur viktimën në trup, ndërsa të tjerët kanë përshkuar automjetin e tij. Autorët janë kujdesur që të mos lënë gjurmë, ndaj nuk kanë lënë gëzhoja në vendin e ngjarjes që mund të ndihmonin hetuesit.
Çela ishte miku i ngushtë i biznesmenit bulqizak, Gjin Nika i cili mbeti i vdekur më 5 prill 2014 në Fushë-Krujë. Policia thotë se vrasja e Çalit mund të lidhet me vijueshmërinë e atentateve të njëpasnjëshme në luftën për kapjen e galerive të kromit në zonën e Bulqizës. Dyshohet se konkurrenca në biznese ka futur në sherr viktimën dhe për pasojë mbeti viktimë e tentaivës.
Iljaz Çalit iu bë atentat mbrëmjen e djeshme në një moment ku dritat në autostradë ishin të fikura për shkak të nismës së re të qeverisë Rama e cila ka si synim kursimin e energjisë në këtë kohë krize. Mirëpo ky kursimka sjellë shtimin e shumë atentateve dhe aksidenteve në vend. Autorët që vranë Çalin kanë qenë të favorizuar për shkak të fikjes së dritave dhe kanë gjetur mundësinë për të vrarë biznesmenin. Gjithashtu në vendin ku nodhi ngjarja nuk ka pasur kamera sigurie dhe policia e ka të vështirë tashmë identifikimin e autorëve për të zbardhur këtë ngjajre të rëndë.
