Biznesi me vaksinat anti-covid duket se është tendenca më e re e kohëve të fundit në botë.
Mediat italiane kanë raportuar se që prej fillimit të muajit nëntor, njerëz të pasur nga e gjithë bota kanë shkuar në Dubai dhe Abu Dhabi për të bërë pushime, por në të vërtetë aryseja kryesore e udhëtimit të tyre ka qenë diçka tjetër.
Siç shkruan mediat italiane Il Messaggero, një vaksinë e re kundër Covid-19, prodhuar nga kompania kineze Sinopharm, tashmë është në dispozicion në Emiratet e Bashkuara Arabe që prej nëntorit të vitit që sapo kaluam.
Të gjithë anëtarët e familjeve mbretërore, zyrtarë qeveritarë, personel ushtarak dhe personalitete të rëndësishme nga bota financiare dhe sportive tashmë janë vaksinuar pas vizitës në këtë vend.
Mesa duket zyrtarët e lartë të vendeve ku akoma nuk ka shkuar vaksina nxituan që të udhëtonin drejt Abu Dhabit për të marrë vaksinën kundër koronavirusit.
Produkti nuk ka vlefshmëri shkencore dhe shëndetësore në Evropë, megjithatë frika se duhet të presësh për shumë muaj përpara se të marrësh vaksinën ka bërë që shumë të nxitojnë për ta marrë atë jashtë shtetit.
Kujtojmë se kryeministri Edi Rama udhëtoi më 26 nëntor të 2020 drejt Abu Dhabit, k u u deklarua se u firmosën dy marrëveshje të rëndësishme.
Rama ka qenë i shoqëruar gjatë udhëtimit të tij në Abu Dhabi nga Ministri i Rindërtimit Arben Ahmetaj dhe Ministrja e Infrastrukturës Belinda Balluku./Gazetareforma.com/
