Trump njofton bisedime për paqen në Ukrainë në Mynih, Rusia ende pa reagim
Presidenti amerikan, Donald Trump, ka bërë të ditur se zyrtarë të lartë nga SHBA, Rusia dhe Ukraina do të takohen të premten në një konferencë sigurie në Mynih për të diskutuar mbi përfundimin e luftës në Ukrainë.
“Rusia do të jetë atje me njerëzit tanë,” deklaroi Trump. “Ukraina është gjithashtu e ftuar. Nuk e di saktësisht se kush do të përfaqësojë secilin vend, por do të jenë zyrtarë të nivelit të lartë nga Rusia, Ukraina dhe SHBA,” raportoi BBC.
Megjithatë, Moska nuk ka konfirmuar pjesëmarrjen, dhe një zyrtar i lartë ukrainas mohoi pritshmëritë për bisedime me rusët në Mynih.
Njoftimi i papritur i Trump për një marrëveshje të mundshme me presidentin rus, Vladimir Putin, ka shkaktuar reagime mes aleatëve të NATO-s.
Në Mynih, presidenti ukrainas Volodymyr Zelensky pritet të takohet me zëvendëspresidentin amerikan JD Vance dhe Sekretarin e Shtetit Marco Rubio.
