Është një prej njerëzve më të pasur në botë dhe aktualisht po sponsorizon fuqishëm edhe industrinë farmaceutike për prodhimin me shumicë të vaksinave kundër koronavirusit.
Por filantropi miliarder Bill Gates, pavarësisht nga uria që ka për të bëra para në të gjitha drejtimet, duket se do të gjejë edhe pak kohë për relaks.
Ndaj për këtë qëllim ai ka vendosur që të blejë një prej jahteve më luksoz në botë, 112 metra i gjatë, i projektuar nga ‘Architecture and Design Holland Sinot Yacht’, i cilësuar edhe “xhevahiri i deteve” që lëviz falë ujit.
Jahti, i cili është unik, mundësohet nga një sistem që përdor hidrogjen të lëngshëm, të depozituar në dy rezervuarë të mbyllur prej 28 tonë secila. Sipa krijuesve të tij, ai është në gjendje të arrijë 17 nyje shpejtësie.
Ka pesë kuverta që ofrojnë hapësirë për 14 mysafirë dhe 31 anëtarë të ekuipazhit, një palestër, një studio joga, një sallon bukurie, një dhomë masazhesh dhe një pishinë me ujëvarë.
Duket sikur Bill Gates, tashmë ka marrë në duar ‘xhevahirin’ e parë të deteve. Dhe kostoja e tij do të jetë plot 600 milion euro!
/GazetaReforma.com/
