Numri i rasteve me coronavirus është rritur sërish gjatë 24 orëve të fundit nëkosovë. Instituti i shëndetit Publik ka bërë me dije se janë rregjistruar 307 raste positive nga 1787 mostra të marra.
Kanë humbur jetën katër qytetarë, duke e çuar 1532 numrin total të vdekjeve që nga fillimi i pandemisë.
Njoftimi i IKSHKP:
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratorët private me metodën RT-PCR, janë testuar gjithsej 1.787 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 307 raste pozitive.
“Vdekjet janë regjistruar në komunat: Fushë-Kosovë 1 rast (58 vjeç), Malishevë 1 rast (63 vjeç), Prizren 1 rast (63 vjeç) dhe Suharekë 1 rast (58 vjeç)”, thuhet në njoftimin e IKSHPK-së.
Numri total i rasteve pozitive është 63.089 raste nga 256.355 persona të dyshimtë në virusin SARS-CoV-2 dhe 1.532 raste të vdekjes.
Gjatë 24 orëve të fundit, janë shëruar 221 pacientë derisa numri i përgjithshëm i të shëruarve deri më sot është gjithsej 54.661 raste, kurse numri i rasteve aktive është 6.896.
Rastet pozitive janë regjistruar në komunat: Prishtinë 128 raste, Prizren 34 raste, Gjakovë 17 raste.
Fushë-Kosovë 16 raste, Pejë 16 raste, Podujevë 16 raste, Mitrovicë 12 raste.
Gjilan 9 raste, Vushtrri 9 raste, Lipjan 8 raste, Istog 6 raste, Suharekë 6 raste.
Malishevë 5 raste, Rahovec 5 raste, Dragash 4 raste, Drenas 4 raste, Ferizaj 4 raste,
Deçan 2 raste, Obiliq 2 raste dhe me nga një rast komunat Hani i Elezit, Kamenicë, Kaçanik dhe Skenderaj.
IKSHPK kërkon nga qytetarët që të respektojnë rregullat antiCovid, duke mbajtur maskat mbrojtëse dhe distancën fizike.
