Instituti i Shëndetit Publik në Kosovë ka publikuar shifrat e orëve të fundit lidhur me pandeminë e COVID-19. Mësohet se nga 1.353 testime të bëra në të gjithë territorin e vendit kanë rezultuar pozitivë me virusin e rrezikshëm 8 qytetarë. Fatmirësisht në 24 orët e fundit nuk është shënuar asnjë humbje jete nga koronavirusi. Lajm i mirë është se betejën me COVID-19 e kanë fituar 10 qytetarë.Numri total i rasteve aktive në Kosovë është 149.
“Nga 1.353 testime, 8 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 10 qytetarë, derisa numri i përgjithshëm i të shëruarve është 105.422. Në total numri i rasteve aktive është 149”, ka njoftuar Ministria e Shëndetësisë në Kosovë.
Në 24 orët e fundit janë dhënë 5.438 doza të vaksinës anti-COVID, ndërsa prej fillimit të vaksinimit në të gjitha qytete e Kosovës janë dhënë 250.658 doza të vaksinës.
“Në 24 orët e fundit janë dhënë 5.438 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 250.658 doza të vaksinës. Deri më sot 63.301 qytetarë janë vaksinuar me dozën e dytë”, thuhet në njoftim.
Gjithashtu Ministria e Shëndetësisë iu ka bërë thirrje të gjithë qytetarëve që të zbatojnë me përpikmëri masat e vendosura anti-COVID dhe të ruajnë vigjilencën.
