Një lajm i mirë për Kosovën ditën e sotme, pasi në 24 orët e fundit nuk ka pasur asnjë të vdekur nga COVID-19.IKSHPK në bilancin e sotëm ka njoftuar se janë riregjistruar 35 raste të reja. Në krahasim me dje që u regjistruan 58 raste të reja, Kosova sot ka shumë më pak raste ndaj COVID-19 teksa vendi po përparon me vaksinimin dhe po lehtëson masat.Gjithashtu e kanë fituar betejën me koronavirusin 180 pacientë.
Njoftimi nga IKSHPK
Gjatë 24 orëve të fundit, në Laboratorin e Mikrobiologjisë Molekulare në IKShPK he laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3.199 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 35 raste pozitive.
Brenda 24 orëve nuk është raportuar asnjë rast i vdekjes me SARS CoV-2 pozitiv.
Numri total i rasteve pozitive është 107.213 raste nga 588.812 persona të dyshimtë në virusin SARS-CoV-2 dhe 2.239 raste të vdekjes.
Gjatë 24 orëve të fundit, janë shëruar 180 pacientë derisa numri i përgjithshëm i të shëruarve deri më sot është gjithsej 101.279 raste, kurse numri i rasteve aktive është 3.695.
Rastet pozitive janë nga komunat: Prishtinë 9 raste, Ferizaj 4 raste, Lipjan 4 raste, Mitrovicë 4 raste, Klinë 2 raste, Obiliq 2 raste, Prizren 2 raste dhe me nga një rast komunat Gjakovë, Gjilan, Malishevë, Pejë, Podujevë, Rahovec, Shtime dhe Viti.
