Nuk ka përmirësime në bilancin e Coronavirusit në Itali, pasi numri i të infektuarve dhe viktimave vijon të rritet në shkallë të madhe.
Ditën e sotme, autoritetet italiane të shëndetit kanë publikuar bilancin e ri për personat e prekur dhe viktimat nga Coronavirusi përgjatë 24 orëve të fundit, ku rezulton se numri i të infektuarve ka shkuar në 31,506 persona.
Në 24 orët e fundit janë shtuar 3,526 raste, ndërsa kanë ndërruar jetë 345 persona, duke e çuar numrin e viktimave në 2,503 persona.
Ndërsa deri tani janë shëruar 2,941 pacientë, e megjithatë Italia vazhdon të mbetet vendi më i prekur nga COVID-19 në Europë ndërsa në renditje globale qëndron në vend të dytë pas Kinës.
Në Kinë janë regjistruar 80,881 të infektuar në total, por trendi i rasteve të reja është në zbritje.
Sipas rajoneve:
Lombardia: 16,220 (+1571, + 10.7%)
Emilia-Romagna: 3,931 (+409, + 11.6%)
Veneto 2,704 (+231, 9.3%)
Piemonte 1,897 (+381, 25.1%)
Marche 1,371 (+129, 10.4%)
Liguria 778 (+111, 16.6%)
Campania 460 (+60, 15%)
Toskan 1053 (+187, 21.6%)
Siçili 237 (+24, 11, 3%)
Lazio 607 (+84, 16.1%)
Friuli-Venezia Giulia394 (+8, 2.1%)
Abruzzo 229 (+53, 30.1%)
Puglia 340 (+110, 47.8%)
Umbria 197 (+33, 20.1%)
Bolzano 291 (+50, 20,7%)
Calabria 114 (+25, 28.1%)
Sardenjë 117 (+10, 9.3%)
Valle d’Aosta 136 (+ 31, 29.5%)
Trento 385 (+7, 1.9%)
Molise 25 (+4, 1.9%)
Basilicata 20 (+8, 66.7%)
Në rang botëror deri tani janë shënuar 7,531 viktima dhe janë regjistruar mbi 190,929 të infektuar në 163 shtete, ndërsa në vendin tonë deri tani ka humbur jetën 1 person dhe janë infektuar 55 të tjerë, teksa në Kosovë janë 16 persona të infektuar me COVID-19.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
