Bilanc shqetësues, sërish shifra të larta nga COVID-19 në Kosovë! Ditën e sotme, janë regjistruar tre viktima nga koronavirusi i ri “Delta”, si dhe 1128 raste të reja. Në njoftimin e Ministrisë së Shëndetësisë, thuhet se në Gjilan janë shënuar dy viktima, ndërsa një në Gjakovë.
Nga 7.424 mostra të testuara gjatë 24 orëve të fundit, pozitivë me koronavirus janë konfirmuar edhe 1.128 persona. Pjesa më e madhe e të infektuarve janë të moshave nga 20 deri në 29 vjeç, përkatësisht 305 persona. Ndërsa nga 30 deri 39 vjeç, janë 231 të infektuar.
Sipas autoriteteve shëndetësore, nga sëmundje COVID-19 janë shëruar edhe 46 persona, ndërsa raste aktive janë më shumë se 5 mijë e 500 persona. Prej datës 13 mars të vitit të shkuar, kur janë regjistruar rastet e para të infektimit, autoritetet shëndetësore në Kosovë kanë regjistruar plot 113,781 pacientë me këtë virus. Prej këtyre personave, 2,276 kanë ndërruar jetë.
Sipas njoftimit zyrtar, në 24 orët e fundit janë vaksinuar më shumë se 19 mijë persona. Të vaksinuar me të dyja dozat, janë 192.503 persona në total, teksa sipas autoriteteve, 559 mijë vaksina vaksina janë dhënë në total në Kosovë.
Varianti “Delta” duket se do të rrisë sërish shifrat jo vetëm në Kosovë, por dhe në vendin tonë. Qeveria e Kosovës, si dhe ajo shqiptare, u bëjnë apel qytetarëve ditë pas dite, që të vaksinohen.
