Ditën e sotme qytetarët janë rikthyer si dikurë pranë sporteleve për të marrë shërbime që prej disa muajsh ishin kthyer online dhe merreshin vetëm nëpërmjet sistemit e-Albania. Temperaturat janë mjaft të larta dhe qytetarët tanimë janë të detyruar të presin në rradhë për të marrë shërbim.
Për të tretën ditë me radhë qytetarët nuk po marrin më shumë se 1 mijë e 200 shërbime publike të cilat ofrohen vetëm nga portali qeveritar e-Albania, si pasojë e sulmit kibernetik mbi të. Por jo vetëm qytetarët nuk po marrin dot as medikamentet pasi janë bllokuar recetat elektronike. Bllokimi i recetës elektronike krijon vonesa ne marrjen e medikamenteve. Kjo do te thotë se afati i recetës elektronike shtyhet pa afat dhe pacientet mbeten pa mjekim. Ata do të duhet t’i blejnë ilaçet me para ne dore pasi nuk rimbursohen kjo do te thotë rendim i kostove për kategoritë vulnerabel.
Edhe sportelet e Adisës qëndrojnë të mbyllura, pasi shërbimet për qytetarët nga 1 maji ofroheshin online në platformën e- Albania.
Por megjithëse prej 3 ditësh nuk mund të kryhet asnjë proces online, këtë te marte zyra e Adises ne Tirane nuk funksiononte. Qytetaret provonin me kot fatin me shpresën se mos gjenin një derë të hapur për të marrë fizikisht shërbimet e munguara. Zyrat e noterisë gjithashtu nuk mund te importojnë me asnjë të dhënë të klientëve nga zyrat e gjendjes civile. Për të mbaruar një punë tashme kërkon pritje dhe durim pasi veprimet kryhen manualisht.
Mesditën e së martës qeveria njoftoi se faqet zyrtare të ministrive dhe sistemi i fiskalizimit janë rikthyer në funksion të plotë brenda 12 orësh, por nga një vëzhgim i Neës24 rezultoi se kjo nuk kishte ndodhur.
