Ka shkuar në 409 numri i të prekurve nga COVID-19 në vendin tonë.
Gjatë 24 orëve të fundit janë shënuar vetëm 9 raste të reja pozitive, nga 234 testime të kryera.
Në spitalin Infektiv ndodhen 52 të shtruar, 5 prej të cilëve në terapi intensive.
Ndërsa tek “Shefqet Ndroqi” janë shtuar 6 pacientë të tjerë, 5 prej të cilëve në terapi intensive, ku 4 janë intubuar.
Numri i të shëruarve ndërkohë ka shkuar në 164 si dhe janë regjistruar 22 viktima.
Rastet e reja të regjistruara në vendin tonë janë 6 nga Tirana dhe 3 nga Elbasani.
Nga shifrat vërehet se kurba e infeksionit gjatë këtyre ditëve është e luhatur, ashtu siç parashikuan edhe ekspertët
Kujtojmë këtu se dy ditë më parë u regjistruan 6 raste të reja, dje u rrit numri me 17, ndërsa sot kemi sëris një zbritje me 9 të prekur.
Njoftimi i MSH
Në vijim të komunikimit të përditshëm, Ju bëjmë me dije se vazhdon puna në terren për identifikimin e rasteve të reja dhe gjurmimin e kontakteve të rasteve, të konfirmuara pozitive.
Në 24 orët e fundit janë testuar 234 persona të dyshuar, prej të cilëve janë konfirmuar 9 raste të reja me COVID-19.
Deri në këto momente janë testuar 3223 raste të dyshuara dhe prej tyre janë të konfirmuar pozitivë me COVID-19, 409 raste.
Siç shihet edhe grafikisht, përqindja më e lartë e të prekurve janë meshkuj, me 53%.
Betejën me këtë sëmundje e kanë humbur deri tani 22 qytetarë, megjithë përpjekjet e jashtëzakonshme të personelit shëndetësor.
Gjatë 24 orëve të fundit, 11 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 165.
Ju informojmë se, në shërbimin infektiv aktualisht janë 52 të shtruar. 5 prej tyre janë në terapi intensive.
Në spitalin COVID 2 “Shefqet Ndroqi”, janë 6 pacientë të shtruar gjithsej. 5 pacientë janë në terapi intensive, 4 prej të cilëve janë të intubuar.
Në dy spitalet COVID aktualisht po marrin shërbim 58 pacientë.
Harta e të prekurve nga COVID-19 zgjerohet në Tiranë me 6 raste, Elbasan 3 raste.
Shpërndarja gjeografike e rasteve pozitive, është si vijon:
– Tiranë 196 raste
– Durrës 38 raste
– Lushnje 5 raste
– Elbasan 15 raste
– Fier 32 raste
– Kavajë 8 raste
– Rrogozhinë 4 raste
– Korçë 17 raste
– Vlorë 5 raste
– Shkodër 45 raste
– Lezhë 14 raste
– Berat 2 rast
– Has 12 raste
– Krujë 5 raste
-Tropojë 4 raste
– Pukë 4 raste
– Mirditë 3 raste
Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Sic e tregojnë edhe shifrat e ditëve të fundit, ku ka raste brenda të njëjtës familje, është e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.
Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40.
