Kjo e shtunë ka rezultuar tragjike për një punëtor në Tiranë. Një i ri ka humbur jetën tragjikisht mesditën e sotme. Sipas informacioneve zyrtare të marra bëhet me dije se ngjarja ka ndodhur rreth orës 12:45, në “Rrugën e Elbasanit”, ku i riu me iniciale G.B., 27 vjeç, dyshohet se duke punuar në një lokal ka rënë kontakt me rrymën elektrike.
Ai është transportuar me urgjencë në spital, ku i është nënshtuar ndërhyrjeve të shpejta të stafit mjekësor por nga kontakti me rrymën elektrike nuk ka munudur ti shpetojë plagëve të marra dhe nuk ka mundur të mbijetojë.
Grupi hetimor po punon për sqarimin e rrethanave dhe dokumentimin e plotë të ngjarjes.
Rastë të tilla të pasigurisë në punë janë shtuar shumë ditët e fundit pasi kujtojmë se disa persona të tjerë kanë humbur jetën në ambientet e punës duke rënë nga ndërtesat ku punonin apo vende të tjera.
Njoftimi i plotë i policisë:
Më datë 11.09.2021, rreth orës 12:45, në Rrugën e Elbasanit, dyshohet se duke punuar në një lokal ka rënë kontakt me rrymën elektrike dhe për pasojë ka humbur jetën në spital shtetasi G. B., 27 vjeç.
Grupi hetimor po punon për sqarimin e rrethanave dhe dokumentimin e plotë të rrethanave të ngjarjes.
