Komiteti Teknik i Ekspertëve në daljen e fundit për mediat njoftoi masat e reja në kuadër të parandalimit të përhapjes së COVID-19. Në këtë dalje ata njoftuan se stadiumet duke filluar nga 1 korriku do të kenë kapacitet të reduktuar në 30%. Duket se ky sezon nisi dhe do të përfundoj pa tifozë në stadiume, pavarësisht se në javën e fundit tribunat ishin thuajse plotë.
Federata Shqiptare e Futbollit dhe klubet duhet të presin akoma për të lejuar zyrtarisht tifozët në stadium, kjo do të ndodh nga 1 korriku dhe sigurisht me një numër të reduktuar. Komiteti njoftoi ditën e sotme se duke filluar nga 1 korriku me prezencë të tifozëve në kapacitet të reduktuar me 30%.
“Duke filluar nga 1 korrik do të lejohen kampionatet sportive me prezencën e tifozëve në kapacitet të reduktuar me 30%”.Në këtë mënyrë klubet shqiptare do të kenë mundësi që ndeshjet në para eliminatoret e kupave të europës ti zhvillojnë me tifozëve, sigurisht me një kapacitet të reduktuar. Pak ditë më parë, FSHF i dërgojë një letër MSH ku i kërkonte që finalja e Kupës së Shqipërisë, në program për tu zhvilluar më 31 maj në “Air Albania” të zhvillohej me tifozë, me një numër të reduktuar, por kjo kërkesë është hedhur poshtë në këtë mënyrë nga Komiteti Teknik i Ekspertëve. Finalja ndërmjet Skënderbeut dhe Vllaznisë do të zhvillohet pa tifozë, gjithnjë nëse nuk ndodh si në javën e fundit të Superligës ku tifozët në një numër të konsideruar ndoqën “live” ekipet e tyre.
