Reshjet e para të dëborës kanë filluar në juglindje të vendit, duke përfshirë zonat mbi 1400 metra mbi nivelin e detit. Sipas raportimeve reshjet janë përqendruar kryesisht në fshatin turistik të Dardhës dhe në majën e Bigllit.
Aktualisht, dëbora po bie me intensitet të ulët dhe nuk ka shkaktuar probleme në qarkullimin e automjeteve.
Grupi i punës është në terren për monitorimin e situatës.
Në 48 orët e fundit, temperaturat në qarkun e Korçës kanë rënë ndjeshëm, çka ka sjellë dhe fillimin zyrtar të stinës së dimrit.
Aktualisht, temperatura në Dardhë është 3 gradë Celsius, dhe reshjet e dëborës pritet të vazhdojnë edhe gjatë natës.
