Presidenti i SHBA-ve, Joe Biden ka autorizuar një fond emergjence deri në 100 milionë dollarë në ndihmë të refugjatëve që vijnë nga situata në Afganistan dhe për të përmbushur nevojat emergjente që ata mund të kenë. Në të përfshihen edhe aplikantët e vizave të imigracionit të Afganistanit.
Veç kësaj, Biden miratoi edhe 200 milionë dollarë shërbime dhe artikuj nga inventarët e agjencive qeveritare të SH.B.A.-së për të përmbushur të njëjtat nevoja, tha Shtëpia e Bardhë në një deklaratë.
Shtetet e Bashkuara po përgatiten të fillojnë evakuimin e mijëra aplikantëve Afganë për viza speciale të imigracionit të cilët janë në rrezik nga Talibanët sepse ata kanë punuar për qeverinë amerikane.
Grupi i parë i të evakuuarve dhe familjeve të tyre pritet të fluturojnë përpara fundit të muajit në Fort Lee, një bazë ushtarake amerikane në Virxhinia, ku ata do të presin për përpunimin përfundimtar të kërkesave të tyre për vizë.
Rreth 2,500 afganë mund të sillen në objekt. Administrata e Biden po shqyrton lehtësirat e tjera në SHBA dhe përtej detit ku mund të strehohen aplikantët e vizave speciale dhe familjet e tyre.
Vizat speciale të emigracionit janë në dispozicion të Afganëve të cilët kanë punuar si përkthyes ose në punë të tjera për qeverinë e SHBA pas pushtimit të udhëhequr nga SHBA në vitin 2001.
